नुवाकोट – प्रथम अन्तरपालिकास्तरीय शिवपुरी अध्यक्ष गोल्डकप फुटबल प्रतियोगिता अन्तर्गत शिवपुरी सहिद स्मृति रंगशालामा गोल्डकपको उद्घाटन खेलमा आयोजक टिम, शिवपुरी गाउँपालिका ले दुप्चेश्वर गाउँपालिकालाई ४ –० गोल अन्तरले हरायो ।

पहिलो हाफमा शिवपुरीका मोहन गुरुङले १ गोल गरेका थिए । दोस्रो हाफमा शिवपुरीका अनिस जि सि ले अर्को गोल गरे। तेस्रो गोल कुञजन खड्काले गरे भने चौथो छितिज जंग रुम्वाले गरेका थिए। आजको खेलमा म्यान अफ दि म्याच शिवपुरीका मोहन गुरुङलाई घोषणा गरि २००० नगद प्रदान गरियो । खेलको उदघाटन डा. रामशरण महतले पानसमा बत्ति वालेर गर्नु भएको थियो।