राष्ट्रपति विद्यादेवी भण्डारीले काठमाडौं महानगरपालिकाका निर्देशक नमराज ढकाललाई विभुषित गर्नुभएको छ ।
काठमाडौं महानगरपालिका सूचना प्रविधि विभागकाका प्रमुख समेत रहनुभएका काठमाडौं महानगरपालिकाका निर्देशक ढकाललाई संविधान दिवस २०७७ को अवसरमा घोषणा गरिएको प्रबल जनसेवाश्री मानपदवीबाट राष्ट्रपति भण्डारीले विभुषित गर्नुभएको हो ।
नेपालको संविधानको धारा २७७ को उपधारा १ बमोजिम मन्त्रीपरिषद्को सिफारिसमा ढकाललाई राष्ट्रपतिले विभुषित गर्नुभएको थियो ।

निर्देशक ढकालले काठमाडौं महानगरपालिकाका प्रमुखको सचिवालय प्रमुख, सहकारी विभागको प्रमुख र शिक्षा विभागको प्रमुख भएर जिम्मेवारी निर्वाह गरिसक्नुभएको छ । हाल उहाँ सूचना प्रविधि विभागको प्रमुख हुनुहुन्छ ।
शिक्षालाई उच्च प्राथमिकता दिएर अध्ययन अनुसन्धानमा क्रियाशिल ढकालले व्यवस्थापन, अर्थशास्त्र, समाजशास्त्र, राजनीतिक शास्त्र र जनप्रशासन विषयमा स्नातकोत्तर गर्नुभएको छ । त्यसैगरी ढकालले कानून विषयमा स्नातक र एक बर्षे बिएड पनी गर्नुभएको छ । हाल ढकालले त्रिभुवन विश्वविद्यालयमा अर्थशास्त्र विषयमा एमफिल र त्रिचन्द्र कलेजमा डिप्लोमा इन काउन्लिङ साइक्लोजीको अध्ययन पनी गरिरहनुभएको छ ।
श्रीकृष्ण प्रणामी युवा परिषद्का केन्द्रीय अध्यक्ष समेत रहनुभएका सामाजिक अभियन्ता काठमाडौं महानगरपालिकाका निर्देशक नमराज ढकाल बलि प्रथा बिरुद्ध विभिन्न चेतनामूलक कार्यक्रमहरु संचालन गरी समाजमा चेतना फैलाउदै आउनुभएको छ ।

काठमाडौं महानगरपालिकामा उत्कृष्ट कार्य गरे बापत सरकारले विभूषिद् गरेकोमा ढकालले खुशी व्यक्त गर्दै सरकारलाई धन्यवाद् पनी दिनुभएको छ ।
आगामी दिनमा महानगरबासीलाई सही सूचना प्रवाह गरी सेवा प्रवाहमा सुधार ल्याउन आफूले हर संभव प्रयास गर्ने ढकालले बताउनुभएको छ ।