रामु लिला स्मृति धर्मश्रेष्ठ पुरस्कार , प्रचारक मध्ये उच्च याेगदान दाता बिशिष्ट पदवी सहित रकम रु ५१०००/- र प्रमाणपत्रबाट पिताश्री सम्मानित,
प्रमुख अतिथी अर्थबिद् तथा साम्सद डा० स्वर्णिम वाग्लेद्वारा श्री कृष्ण प्रणामी युवा परिषद नेपालकाे १४ आै महाधिवेशन नवतनधाममा सम्मान ग्रहण गर्नुहुँदै ।।
धन्यवाद सम्मान गर्नुहुने दातामा , प्रणाम ।
नुवाकोट जिल्ला वेल्कोटगढी नगरपालिका वडा नं ११ उपल्लाे तिगाउँमा पिता ईश्वरी प्रसाद गजुरेल र माता तुल कुमारी गजुरेलकाे काेखबाट १९९३ साल फाल्गुन ५ गते मंगलवार पहिलाे सन्तानको रुपमा पण्डित मुरनीधर गजुरेलकाे जन्म भएकाे हाे । १७ जनाकाे परिवारकाे शुरुवाति दिनचर्या अभाव , अशिक्षा र अज्ञानतामै रुमलिएकाे दुखकाे समयदेखि परिवर्तित बर्तमान सम्पन्न जीवनशैली आधुनिकता भाेगे देखेका उहाँ अन्तरमुखी स्वभाव , स्वनिर्णयमा विश्वस्त, सरल , सादा जिवनशैलीमा रमाउने परिश्रमी हुनुहुन्छ । उहाँ निजानन्द सम्प्रदाय प्रणामी धर्मका एक जिउँदाे ईतिहास, शास्त्रज्ञाता बिद्वान र नीति अनुशासन र धर्म रक्षाका धरोहर हुनुहुन्छ । बि सं १९३५ मा नवतनपुरीमै आचार्य १०८ धनिदाश महाराजश्रीकाे साथ रहि तारतम ग्रन्थ हातले लेख्नुहुने हजुरवुवा धर्मदत्त गजुरेलको प्रेरणा र उहाँबाटै तारतम दीक्षा पाएपछि वुवा इश्वरी प्रसाद गजुरेलकाे छाेरालाई धार्मिक ज्ञान दिने ईच्छा बमाेजिम १४ बर्षकाे उमेरमा श्री ५ नवतनपुरी धाम गुजरातमा ब्रम्हलिन आचार्यश्री श्री १०८ धर्मदास महाराज र १०८ लक्ष्मीदाश बाबाजीकाे सानिध्यतामा सेवारत रहि वाणी, वितक, बिराट, चर्चनी लगायत अन्य शास्त्र पुराणकाे अध्यान गर्नुभएका उहाँको धर्म जागनी अभियान धेरै स्थानका सुन्दरसाथकाे घरघर र मन मस्तिष्कमा स्मरणीय रहेकाे छ । सेवा समिति स्थापनादेखि पुल्चाेक मन्दिर निर्माण र धर्म जागनीका क्रममा भए गरेका अनगिन्ती कथनी र कहानी उहाँकाे स्मरणमा ताजै छ । पुरानाे समयलाई सम्झाउँदै कसैले केही कुरा साेधेमा उहाँ निरन्तर ईतिवृति पस्कनुहुन्छ, राज्जीकाे कृपाले याे उमेरमा पनि उहाँ स्वस्थ्य स्फूर्त देखिनुहुन्छ । समकालीन पंण्डितजी प्रेमदाश लम्साल, राजदाश खतिवडा, राजदाश श्रेष्ठ माणिकदाश कार्की , नवल किशाेर आचार्य चरणदाश सिवाकाेटी, माेहनानन्द, बलिदाश बस्नेत, ढुण्डिराज ढकाल लगायतकासँग प्रचार प्रसारमा हिडेका उहाँकाे ज्ञानकाे कदर गर्दै पुर्वमा जुरेली(काभ्रेका कृष्ण प्रसाद सापकाेटा) र पश्चिममा मुरलीलाई बाणीका धेरै ज्ञान छ भन्ने गरिएकाे अझै सुनिन्छ । जुगलदाश, दयालदाश , रमणदाश गुरुजीकाे प्रेरणा स्राेत प्राप्त उहाँलाई चेलाहरुले दर्शाएकाे सम्मानले नतमस्तक बनाईदिन्छ र काेमल ह्दय भएकाे उहाँमा परमधाम र बिगतकाे दुख सम्झने बित्तिकै आँश्रुधारा पाेखिन्छ र सबैसामु प्रेम र भक्तिले बहकिनुहुन्छ । २०१८ सालतिर जुगलदाश महाराजलाई नुवाकाेट घरमै लगेर ७ दिने पारायण लगाउँदा महाराज आफैले खिचडी पकाएर बाँडेकाे, आगाेमा मकै पाेल्दा बाँसकाेे लाेरीले फुकेकाे मकैमा शुद्दता हुन्न भनी महारजले ग्रहण नगरि आफैले पाेलेर मकै खाएकाे कहानी सुनाउनुहुन्छ उहाँ । पुल्चाेक मन्दिरकाे स्थापना र सुरक्षाकालागि कम्पाउण्ड बनाउन नवतनपुरीवाट आचार्यश्री धर्मदाश महाराजले रु ८००० दिएर कम्पाउणडकाे काम गरेकाे पञ्चायत कालमा धर्म जागनीका क्रममा सिन्धुली, काभ्रेमा अरु पंन्थ, सम्प्रदायका ब्राम्हणसँग शाशास्त्र भएकाे ,कथा प्रवचनकालागि नुवाकाेटबाट चित्लाङ हुँदै हिडेर हेटाैडा पुगेकाे लगायत धेरै कहानी सुनाउनुहुन्छ उहाँ, मुस्लिम धर्म भनी २०२८ सालतिर जुगलदाश महाराज सहित स्वरुप साहेव समातेर हनुमानढाेका ल्याउँदाका पनि धेरै कुरा व्याख्या गर्नुहुन्छ उहाँ । २०१५ सालमा नेपाल फर्केपछि चारवटा तारतम सागर (स्वरुप साहेव) र एउटा बितक चाेयाकाे टुप्पाेमा कृतिम मसी प्रयाेग गरि हातले लेखेर पूरा गर्नुभएकाे प्रमाण जिवन्त रहेकाे छ । पारिवारिक रुपमा दाजुभाई नेपाल देखि भारतकाे जलपाईगुढी काल्चिनी मादरी बृन्द्रावन पुगेपनि उहाँ परिवारकासाथ जन्मस्थानमै बसेर धर्म प्रचार गरिरहनुभएकाे छ ।
धर्म प्रचारका क्रममा जन्म जिल्ला नुवाकाेटका तिगाउँ, बिदुर, थान्सिङ जिलिङ, दाङ्मै लगायत काठमाण्डाैका गोठाटार, स्यूचाटार, दहचोक, किलागल, डिल्लिबजार, जर्सिङपाैवा डाँछी,भक्तपुरकाे झाैखेल , गुण्डु कटुञ्जे ललितपुरकाे पुल्चाेक, इमाडाेल, सुनाकाेठी,चुनिखेल ,काभ्रेकाे बनेपा, भेडावारी ढुङ्खर्क, बल्थली, मकवानपुरकाे हेटाैडा, गाैरिटारदेखि धादिङ, चितवन,लमजुङ,पर्सा ,बारा रामेछाप सिन्धुली सहित धेरै स्थानमा कथा प्रवचनमा सहभागी भिई ५००० बढि सुन्दरसाथकाे जागनी गरेको उहाँ बताउनुहुन्छ । जीवनकाे उत्तरार्धमा समेत अझै स्वस्थ्य देखिने उहाँ धर्म प्रचार र कथावाचनमा निरन्तर सक्रिय हुनुहुन्छ । नवतनपुरी धाम पुनर्निर्माण शिलान्यास कार्यक्रममा समेत यस स्थानमा बसेका पुराना श्रष्ठा ,जीवित ऐतिहाँसिक ब्यक्तित्व उहालाई विशेष निमणत्रणा सहित आमन्त्रण गरिएकाे थियाे । उहाँका श्रीमती, दुई छाेरा र तीन छाेरीहरु हुनुहुन्छ ।
