

दिव्य दर्शन टेलिभिजनबाट साप्ताहिक रुपमा प्रसारित पहिलो धार्मिक रियालिटी सो ” प्रणामी संगीङ आइकन ” फाइनल चरणमा पुगेको छ |

नेपाल र भारतका विभिन्न ठाउँबाट प्रणामी गायक गायिकाहरुको सुन्दर प्रस्तुति रहेको यो कार्यक्रम प्रणामी समाजको गायन क्षेत्रको अहिले सम्मकै ठुलो कार्यक्रम भएको आयोजकले जनाउनु भयो |

नवीन तिमल्सिना द्वारा संचालित र निर्देशित सो कार्यक्रमको सम्पूर्ण व्यवस्थाकीय पाटो भोला दाहालले हेर्नु भएको छ |र उक्त कार्यक्रमको छायांकन संजय मुडबरी , सुशान्त पुडासैनी , शुसिल बुढाथोकीको समुहले गरेको हो |

प्रणामी गायिका द्वय सारदा अधिकारी र सविता सापकोटा निर्णायक रहेको उक्त कार्यक्रमको फाइनल चरणमा नेपालबाट उत्तम के.सी र गुन्जन दाहाल र भारतबाट अर्चना शर्मा , सिम्रन गुरुङ र अर्पण सापकोटा प्रवेश गरेका छन् |





उनीहरुले माघ १५ गते राष्ट्रिय नाँच घरमा हुने भब्य कार्यक्रममा आफ्नो फाइनल प्रस्तुति दिनेछन |

श्री कृष्ण प्रणामी सेवा समिति नेपाल , श्री कृष्ण प्रणामी युवा परिषद ,नेपाल र श्री कृष्ण प्रणामी बाइजुराज महिला समिति नेपालको आयोजना रहेको उक्त कार्यक्रम श्री कृष्ण प्रणामी मन्दिर नवतनधाम र निजानन्दधाम , नजरपुरको विशेष सहयोगमा तयार भएको हो |
